पाकिस्तानका पूर्वप्रधानमन्त्री तथा तहरीके इन्साफका नेता इमरान खानले एक ट्वीटमा आफ्ना नेता मुराद सईदको ज्यानमा खतरा रहेको र एजेन्सीहरू उनको पछि लाग्ने बताएका छन्। अर्कोतर्फ, पाकिस्तान तहरीके इन्साफले खानलाई भर्चुअल हाउस अरेस्टमा राखिएको जनाएको छ।
इमरान खान बसेको लाहोरको इलाकामा लगातार दोस्रो दिन इन्टरनेट बन्द भएकाले पार्टीले यस्तो भनेको हो । जसका कारण इमरान खानले मिडियासँग कुरा गर्न पाएका छैनन् । अर्कोतर्फ, मुराद सईदलाई दिइएको धम्कीलाई लिएर खानले पाकिस्तानका प्रधानन्यायाधीशलाई पत्र लेखेर आफ्नो सुरक्षा मुख्य न्यायाधीशले मात्रै सुनिश्चित गर्न सक्ने बताएका छन्।
पीटीआई अध्यक्षले भने, ‘माननीय प्रधानन्यायाधीश, पूर्व केन्द्रीय मन्त्री मुराद सईदले तपाईंलाई आफ्नो जीवनमा गम्भीर खतराको बारेमा जानकारी दिएका थिए।अब प्रधानन्यायाधीशले मात्र आफ्नो सुरक्षा सुनिश्चित गर्न सक्छन्। अर्शद शरीफ जस्तै, उनलाई पनि एजेन्सीहरूले पछ्याइरहेका छन्।’
यसैबीच, लाहोरस्थित खानको निवास जमान पार्कमा दोस्रो दिन पनि इन्टरनेट सेवा बन्द छ। जसका कारण दोस्रो दिन पनि खान सामाजिक सञ्जालमा लाइभ हुन सकेनन् । तेहरिके इन्साफका अनुसार इमरान खान अहिले भर्चुअल घरमै नजरबन्दमा छन्।
