इस्लामावाद । सुरक्षा बलसँगको दुई भिडन्तमा दश संदिग्ध आतङ्ककारी मारिएको पाकिस्तानी सेनाले जनाएको छ । पहिलो घटना खैबर पख्तुनख्वा प्रान्तको उत्तरी वजीरिस्तान जिल्लामा भएको हो ।
गुप्तचर सूचनाको आधारमा गरिएको कारबाहीमा ६ चरमपन्थी मारिएको सेनाले जनाएको छ । मारिएका चरमपन्थीहरूको पहिचान अझै स्पष्ट भइसकेको छैन । तर यस क्षेत्रमा पाकिस्तानी तालिबान लडाकुहरूले सुरक्षा बलमाथि आक्रमण गर्दै आएका थिए ।
दोस्रो घटना दक्षिण–पश्चिमी बलुचिस्तान प्रान्तको हो । मोटरसाइकलमा यात्रा गरिरहेका चार संदिग्ध आतंककारीले क्वेटा सहरमा प्रहरीको गाडीमा गोली चलाएका थिए । यी चारै जना पनि मारिएको सेनाले जनाएको छ ।
