स्ट्यान्डअप कमेडियन अपूर्व क्षितिज सिंहको नाममा हालसम्म १ लाख ७६ हजार ३९० रुपैयाँ आर्थिक संकलन भएको छ । अपूर्वले आफ्नो सामाजिक सञ्जालमार्फत उक्त रकम संकलन भएको जानकारी गराएका हुन् ।>
विशाल गौतम, आयुष श्रेष्ठ, आदर्श मिश्रा, पूजन अधिकारीलगायतका कमेडियनले अपूर्वको न्यायको लागि भन्दै आर्थिक संकलन अभियान सुरु गरेका थिए ।>
अभियानमा उठेको उक्त रकम यो देशको प्रणालीको विरोध भएको अपूर्व बताउँछन् । उनी लेख्छन, ‘अभियान अगाडि ओपनिङ ब्यालेन्स २ लाख ७ हजार ८६४ थियो भने अहिले क्लोजिङ ब्यालेन्स ३ लाख ८४ हजार २५४ पुगेको छ । यो रकम मेरो बुवा (जय शंकर सिंह) को खातामा जम्मा भएको हो । नेपाली कमेडियन तथा हाँस्य कलाकारहरुले सुरु गर्नुभएको यो अभियानमा उठेको यो रकम देशको प्रणालीको विरोध हो ।’>
>
अपूर्वले अभियानमा सहभागी सबैलाई धन्यवाद ज्ञापन गर्दै उठेको सो रकम यही मुद्दामा वकिल शुल्क र बैठकहरूमा उपयोग हुने बताए ।>
जातीय सहिष्णुतामा चोट पु¥याएको आरोपमा कमेडियन सिंहलाई केही समयअगाडि प्रहरीले हिरासतमा लिएको थियो । सार्वजनिक रूपमा माफी माग्दासमेत म्याद थप गर्दै थुनामा राखेको र अदालतले दुई लाख पचास हजार रुपैयाँ लिएर धरौटीमा छाड्न आदेश दिएपछि केही कमेडियनहरुले ‘बोलेको मूल्य चुकाउन तयार’ भन्दै अपूर्वको नाममा आर्थिक सहयोग संकलन सुरु गरेका थिए ।>
>>