काठमाडौँ । देशका ७५३ स्थानीय तहमध्ये ७३५ स्थानीय तहले बेरोजगारहरूको सूचीकृत गरेका छन् । आर्थिक सर्वेक्षणमा उल्लेख भएअनुसार ती स्थानीय तहले आफ्ना पालिकामा बस्ने ८ लाख ४१ हजार बेरोजगार व्यक्ती सूचीकृत गरेका हुन् ।
जसमध्ये ४१ हजार २९१ जना रोजगारीका लागि छनौट भएका थिए भने १४ हजार ८४ जनाले रोजगारी पाएका छन् । यस्तै, आर्थिक वर्ष २०७८÷७९ मा ७ लाख ८ हजार बेरोजगारमध्ये १ लाख ६३ हजार जनाले रोजगारी पाएका थिए ।
यस्तै, प्रधानमन्त्री रोजगार कार्यक्रमलाई व्यवस्थितरुपमा सञ्चालन तथा व्यवस्थापन गरी सूचीकृत बेरोजगारलाई रोजगारीका अवसर उपलब्ध गराउन रोजगार संयोजक ६८६, प्राविधिक सहायक ६७५ र रोजगार सहायक ५०७ गरी १८ सय ६८ जना कार्यरत छन् ।
