काठमाडौँ । पछिल्लो समय चीनका बालबालिकामा फैलिएको श्वासप्रश्वास सम्बन्धी अज्ञात रोगको विषयमा नेपालमा छलफल भएको छ ।
विश्व स्वास्थ्य संगठन नेपालको प्राविधिक सहयोगमा स्वास्थ्य आपत्कालीन सञ्चालन केन्द्र र स्वास्थ्य तथा जनसङ्ख्या मन्त्रालयले सो विषयमा छलफल गरेका हुन् ।
बालबालिकामा बढ्दो श्वासप्रश्वाससम्बन्धी रोगका घटनाहरूबारे सचेतनाको विषयमा छलफल गरिएको केन्द्रले जनाएको छ ।
बालबालिकामा देखिएको अज्ञात रोगको निगरानी बढाउने, प्रादेशिक जनस्वास्थ्य प्रयोगशालाहरूको क्षमता सुदृढ गर्ने र समुदायहरूमा सतर्कता कायम राख्ने जस्ता विषयमा छलफल भएको केन्द्रले उल्लेख गरेको छ ।
